Ilang linggo na lang, aakyat na tayo sa entablado. Hawak-hawak ang diploma natin na pinaghirapan natin kunin ng apat na taon. Ilang linggo na lang, magkakahiwahiwalay na tayo. Eh ano pa ba ang ginagawa mo diyan? Sulitin mo na ang mga natitirang araw. Saglit na lang yan. Sa susunod na taon, hindi na tayo-tayo ang magkakasama araw-araw. Hindi na tayo yung makakasama mo sa apat o limang taon. Hindi na tayo yung pagkatapos exams, automatic gala. Wag nang KJ, wag nang tamarin. Kahit tamad na tamad ka na talaga, isipin mo sinasayang mo yung mga natitirang pagkakataon na makasama mo yung mga taong yun. Kahit na minsan nakakainis sila, o nakaka-init ng ulo, mamimiss mo rin sila. Panigurado.